超可愛自家製比卡超

超可愛自家製比卡超

比卡超!係比卡超!係咪好得意先~其實都唔係好難整㗎啫！

咁首先要將咖哩入面嘅配料切粒備用， 咁今次用左紅蘿蔔,紅、黄、青椒，洋蔥，雞肉。

份量其實就睇下你想食幾多雞肉啦~再唔係用腸仔、其他肉都OK

其實就唔洗咁多，一兩個薯仔已經夠。

洋蔥炒香左好好味

日式咖哩又點少得紅蘿蔔。

有佢地COLOURFUL嘛~

然後用中火炒香，再加水煮10-15分鐘（記住搞下佢，如果唔係黏底會燶）。

跟住可以落日式咖哩粒拌勻再用細火煮5分鐘。其實咖哩盒到有教㗎，辣度就隨大家口味啦！

至於比卡超呢，可以好似平時煮飯咁，加黄薑粉就會變左黃色。唔洗擔心，其實印度飯都係咁整。 黄薑粉係City Super都買到㗎，大概十幾蚊。再壓入個比卡超模到，個模我係Trendyland買㗎，做緊減價，大概$100。記住壓實啲冇咁易鬆散開。

之後用個模整埋啲紫菜做眼，耳仔同鼻。眼白就用左芝士。面頰係紅蘿蔔，而個咀用左蟹柳紅色部分。Cup出泥再加剪刀輕輕修剪就得，咁就有個形啦。

 個精靈球就係用保鮮紙將白飯揉成飯糰，同樣要壓實。上面加上蟹柳紅色部分，因為紅色部分唔多，所以要留意飯糰大細。中間加上一條紫菜條，再加一個圓形紫菜同上面一個細芝士圓形就似㗎啦。

最後倒翻啲咖哩就得啦，小心啲細勺咁倒，唔好整散啲飯。另外仲用左個模印翻啲紅蘿蔔同芝士做唔同嘅pattern做final decoration就大功告成啦！

你想吃嘛？